Ti Kapatgan a Petsa iti Pakasaritaan ti Tao

Natay ni Jesu-Kristo iti dayta a petsa. Apay a nakapatpateg ti ipapatayna? Adu ti makagapu.

Ti kinamatalek ni Jesus agingga ken patay ti nangpaneknek a kabaelan ti tao ti agtalinaed a natarnaw iti Dios.

Ti ipapatay ni Kristo ti nangipaay met iti gundaway iti dadduma iti sangatauan nga agbalin a makipagturay kenkuana idiay langit. Maysa pay, dayta ti nangted iti gundaway iti ad-adu pay tapno sagrapenda ti biag nga agnanayon iti paraiso a daga.

Idi rabii sakbay ti ipapatay ni Jesus, inusarna ti awan lebadurana a tinapay ken nalabaga nga arak kas simbolo ti naayat a natauan a sakripisiona. Kastoy met ti imbagana kadagiti adalanna: “Itultuloyyo nga aramiden daytoy kas panglaglagip kaniak.” (Lucas 22:19) Makiselebrarkanto aya iti daytoy napateg a petsa?

Maragsakan dagiti Saksi ni Jehova a mangawis kenka a makikadua kadakuada a mangselebrar iti Pananglaglagip ti ipapatay ni Jesus. Iti daytoy a tawen, maselebraran dayta inton Mierkoles, Abril 12, kalpasan ti ilelennek ti init. Mabalinmo ti tumabuno iti Kingdom Hall a kaasitgan iti pagtaengam. Pangngaasim ta damagem kadagiti Saksi ni Jehova iti lugarmo ti eksakto nga oras ken pakaangayanna.