Saanda nga Ubing Pay Unay

● Kasta ti insurat ti maysa nga ina a taga-California, U.S.A. maipapan iti suheto a nailawlawag iti libro nga Agsursuroka iti Naindaklan a Mannursuro. Kinunana: “Itay napan a lawas, impanko iti doktor ti 3 ti tawenna nga anakko a ni Javan. Dinamag ti doktorna no nailawlawagmin ken lakayko no kasano a salakniban ti anakmi dagiti pribado a paset ti bagina. Maragsakanak unay a nangipakaammo kenkuana maipapan iti Mannursuro a libro a mangilawlawag a dakes ti panangay-ayam ti asinoman kadagiti pribado a paset ti bagi ti sabali. Nagustuan unay ti doktora ti inaramidmi.”

Kinuna pay daytoy nga ina: “Nagsayaat ti panangilawlawag daytoy a libro maipapan kadagitoy a banag.” Ti kapitulo a tuktukoyenna ket napauluan iti “No Kasano a Nasalakniban ni Jesus.” Naisalaysay iti dayta no kasano a ti awan gawgawayna nga ubing a ni Jesus ket sinalakniban ti nailangitan nga Amana manipud iti panangdangran ni nadangkes nga Ari Herodes. (Mateo 2:7-23) Kalpasanna, ipakita ti libro no kasano nga uray dagiti ubbing ket mabalin a suruan a mangsalaknib iti bagida no adda manggandat a mangmolestia kadakuada.

Mabalinmo ti agkiddaw iti kopia daytoy 256 ti panidna a libro a kadkadakkel daytoy a magasin. Suratam laeng ti naipakuyog a kupon ken ipatulodmo dayta iti adres a makita iti baba wenno iti maitutop nga adres iti panid 5 daytoy a magasin.

□ Kayatko ti maaddaan iti libre a kopia daytoy a libro.

□ Interesadoak iti libre a panagadal iti Biblia.