Tinulongannak a Mangisardeng iti Dakes nga Aramidko
● Idi napan a tawen, nairuar ti libro a Dagiti Saludsod nga Iyimtuod ti Agtutubo—Dagiti Sungbat nga Epektibo, Tomo I. Iti panid 180, nailawlawag ti kuna ti Proverbio 24:16 a ti maysa a nalinteg ket mabalin a matuang iti mamimpito ngem kaskasdi a tumakder. Dakkel ti naitulong dayta iti maysa nga agtutubo a nangikuna: “Nasursurok iti ladawan iti dayta a panid a makitkita ti Dios ti irarang-ayko. . . . Impaamiris kaniak daytoy a libro a pagbalinek a mas espesipiko dagiti kararagko ken kiddawek iti Dios a tulongannak a mangdaer iti riknak nga awan serserbik. Isu nga agkarkararagak kenkuana no masulisogak tapno maisardengko ti dakes nga aramidko.
“Makapagtalekak nga uray no nasurok a namin-77 a natuangak iti napalabas a tawtawen, makapagballigiak iti problemak. Diakon marikna a siak ti kadaksan a tao ditoy daga.”
Mabalinmo ti agkiddaw iti kopia daytoy a libro. Suratam laeng ti naipakuyog a kupon ken ipatulodmo dayta iti adres a makita iti baba wenno iti maitutop nga adres a nailista iti panid 5 daytoy a magasin.
□ Kayatko ti maaddaan iti kopia ti libro a naipakita ditoy.
□ Interesadoak iti libre a panagadal iti Biblia.