Naragsak Dagiti Naasi!

1. Ti naasi naragsakda.

Kaay-ayo ti Dios ida.

Ket ipakpakaammoda

Nga asit’ pagragsakanna.

Amin dagiti naemma,

Ti Dios kaasianna ida.

Babaen iti Anakna,

Ti subbot ket impaayna.

2. Naasit’ maparaburan,

Ta basoldat’ mapakawan.

Sinubbot ni Jesus idan,

Ket asit’ Dios masagrapdan.

Iranudda ti asina

No mapanda ikasaba:

“Agragsakkay amin itan

Ta adtoyen ti Pagarian.”

3. ’Ton mangukom ni Jehova,

Ayatnat’ ipakitana

Iti amin a naemma

Ta napnuan asit’ pusoda.

Manangngaasitay koma;

Inaldaw nga ipakita.

Ni Jehova ken ni Kristo,

Isudat’ ulidantayo.