Konklusion

Adda kadi dagiti tiempo a malaglagipmo ti naragsak a pannakikadkaduam idi kadagiti agdaydayaw ken Jehova? Kas koma iti makaparegta a gimong, makapagagar a kombension, nasayaat a kapadasam iti ministerio, wenno naragsak a pannakisaritam iti kapammatiam? Saanmo a nalipatan ni Jehova ken dinaka met linipat. Maragsakan a manglaglagip iti matalek a panagserbim. Magagaran met a tumulong kenka nga agsubli kenkuana.

“Birokekto a mismo dagiti karnerok,” kuna ni Jehova, “ket aywanak ida. Aywanakto dagiti karnerok a kas iti pastor a nakasarak kadagiti naiwarawara a karnerona ket pakanenna ida. Ispalekto ida iti amin a lugar a nakaiwarawaraanda.”​—Ezekiel 34:11, 12.