ALMON-DIBLATAIM

Maysa a lugar iti nagbaetan ti Dibon-gad ken ti bambantay ti Abarim a nagpakarsuan dagiti Israelita iti maika-40 a tawen kalpasan ti iruruarda manipud Egipto (1473 K.K.P.). Maysa dayta kadagiti maudi a nagpakarsuanda bayat ti panagallaallada. (Nu 33:46, 47) Saan a masigurado ti ayanna, ngem kunaen ti sumagmamano nga eskolar nga isu ti Khirbet Deleilat esh-Sherqiyeh, agarup 16 km (10 mi) iti amianan nga amianan-a-daya ti Dibon (Dhiban). Mabalin nga isu met laeng dayta ti Bet-diblataim.​—Jer 48:22.