BEDAN

1. Nailista a kadua da Gideon (Jerubaal), Jefte, ken Samuel kas nangispal iti Israel manipud kadagiti kabusor. (1Sm 12:11) Nupay kasta, awanen ti sabali pay a nakadakamatan daytoy a Bedan iti Biblia wenno uray iti sekular a pakasaritaan. Maipapan iti daytoy a teksto, kinuna da C. F. Keil ken F. Delitzsch: “Imposible unay a mangdakamat ditoy ni Samuel iti maysa nga ukom a nalibtawan iti libro ti Uk-ukom gapu laeng ta saan unay a napateg.”​—Commentary on the Old Testament, 1973, Tomo II, 1 Samuel, p. 118.

Tarusan ti dadduma a ni Barak ti matuktukoy a Bedan. Iti konteksto ti 1 Samuel 12:11, naipamatmat ti maysa a nakaaramid iti dakkel a panangispal ken naibinsabinsa panangirurumen ni Sisera ken ti pannakaispal a simmaruno iti dayta, ti panangispal a ni Barak ti inaramatna ni Jehova. Nainaganan ni Barak a kadua da Gideon ken Jefte iti Hebreo 11:32. Iti Griego a Septuagint ken iti Syriac a Peshitta mabasa ti “Barak” iti 1 Samuel 12:11. Patien ti dadduma a ni Bedan isu ni Ukom Abdon.​—Kitaenyo ti BARAK.

2. Maysa a kaputotan ni Manases.​—1Cr 7:17.