KENANIAS

[nalabit, Sititibker nga Impasdek ni Jehova].

1. Maysa a Levita a nagbiag idi tiempo ni Ari David. Ni “Kenanias a panguluen dagiti Levita iti panagawit” ket maysa nga eksperto, kualipikado a mangisuro iti sabsabali maipapan ti umiso a panangasikaso iti sagrado a Lakasa.​—1Cr 15:22, 25-27.

2. Maysa a Cohatita a kameng ti pamilia ni Izar. Ni Kenanias ken ti annakna ket naituding maipaay “iti trabaho iti ruar,” nabatad a mainaig iti panagserbi kas uk-ukom ken op-opisial, nga 6,000 ti bilangda idi tiempo ti panangbilang ni David kadagiti Levita. (1Cr 26:29; 23:1-4, 12) Yantangay inawit dagiti Cohatita ti ar-aruaten ti santuario idi kaaldawan ni Moises, mabalin a daytoy a Kenanias isu met laeng ti Num. 1.​—Nu 4:4, 5, 15.