AGTUTURAY ITI SIUDAD

Dagiti mahistrado sibiko (Gr., po·li·tarʹkhai) nga iti sanguananda ti nakaipanan ni Jason ken ti dadduma pay a Kristiano idi inulod ida ti makaung-unget a bunggoy dagiti managderraaw idiay Tesalonica. (Ara 17:5-8) Maipapan iti usar ti Griego a termino, kunaen ni G. Ernest Wright: “Ti maysa a kitikit iti daytoy a ruangan [ti Ruangan ti Vardar manipud Tesalonica], nga adda itan iti British Museum, dakamatenna ti sumagmamano nga opisial ti siudad a naawagan ‘politarka.’ Adu a sabsabali pay a kitikit ti addaan iti isu met laeng a sao. Iti Aramid 17:6, nausar met daytoy a termino kas nagan dagiti opisial nga iti sanguananda naulod a naipan dagiti Kristiano bayat ti maysa a derraaw a pinataud ti panangaskasaba ni Pablo. Daytoy a sao saan a pagaammo kadagiti adda pay la ita a Griego a literatura ket ti arkeolohikal nga impormasion maysa a pammatalged iti kinaumiso ti salaysay ni Lucas iti daytoy a punto.”​—Biblical Archaeology, 1962, p. 260; kitaenyo ti ARKEOLOHIA (Mainaig iti Kristiano a Griego a Kasuratan).