BALBALAY TI KARARUA

Daytoy literal ti pannakaipatarusna a sasao a “balbalay ti kararua” nalabit tumukoy kadagiti “pagkargaan ti bangbanglo.” Mabalin a naibitin dagitoy iti maysa a tanikala wenno kuentas ket inyukkor ti ‘natangsit nga annak a babbai ti Sion’ kadagiti tengngedda.​—Isa 3:16, 18, 20.

Ti Hebreo a sasao ket bot·tehʹ han·neʹphesh. Ti neʹphesh (kararua) mabalin nga, iti daytoy a kaso, ipasimudaagna “daydiay angsen” wenno “say-upen,” ket ti bot·tehʹ (balbalay ti) mabalin a kaipapananna “dagiti pagkargaan ti.”