JEDIDIAS

[Dungdungnguen ni Jah].

Ti nagan nga inted ni Natan a mammadto ni Jehova iti maikadua nga anak da David ken Bat-seba. (2Sm 12:24, 25) Daytoy a nagan inyanninawna ti ayat ken anamong ni Jehova iti kappasngay a maladaga, kasupadi ti pananglaksidna iti daydi immun-una nga ubing a bunga ti pannakikamalala ken natay di nagbayag kalpasan ti pannakaipasngayna. (2Sm 12:13-19) Nupay kasta, maipapan iti pannakausar ti nagan a Jedidias, saanna a sinuktan ti nagan a Solomon.​—Kitaenyo ti SOLOMON.