JEHOIARIB

[Ni Jehova Makisupiat Koma; Ni Jehova Tinamingna ti Legal a Kaso[mi]].

Ti padi a ti indauluanna a “balay ti amma” ket napili babaen ti binnunot kas umuna kadagiti 24 a benneg ti papadi a naorganisar bayat ti panagturay ni David. (1Cr 24:1-3, 5-7) Nagnaed idiay Jerusalem ti sumagmamano a kaputotan daytoy a pamilia kalpasan ti pannakaidestiero, wenno ti sabali pay a padi a kasta met laeng ti naganna. (1Cr 9:3, 10) “Joiarib” ti ispeling daytoy a nagan iti pumadpada a listaan iti Nehemias 11:10.