SEAR-JASUB

[Natda Laeng (Dagidiay Nabatbati) ti Agsubli].

Ti umuna nga anak ni Isaias. Kimmuyog ni Sear-jasub idi impakaammo ni Isaias ti naimpadtuan a mensahe ken Ari Acaz idi rimmaut iti Juda ni Ari Peca ti Israel. (Isa 7:1, 3) Ni Isaias ken ti annakna ti nagpaay kas pagilasinan ken milagro iti Israel manipud ken Jehova; ngarud impadto ti nagan ni Sear-jasub a ‘natda laeng . . . ti agsubli’ manipud pannakaidestiero idiay Babilonia.​—Isa 8:18; 10:21.