SUAH

1. Ti maikanem ken kaudian a nainaganan nga anak ni Abraham babaen ken Ketura a maikadua nga asawana. (1Cr 1:32) Ni Suah ken ti lima a kakabsatna a lallaki immawatda kadagiti sagut manipud ken Abraham sa napapanawda manipud iti sangakabbalayanna ken naibaonda nga agturong iti daya. (Ge 25:1, 2, 5, 6) Adda dagiti agkuna a nagnaed dagiti kaputotan ni Suah, dagiti Suhita, iti igid ti Eufrates iti nagbaetan ti dua kadagiti gubuayan ti danumna, ti Balikh ken Khabur. Ti kakaisuna a Suhita a nadakamat iti Biblia ket ti kadua ni Job a ni Bildad.​—Job 2:11.

2. Maysa a kameng ti tribu ni Aser, ti kaunaan a nailanad nga anak ni Zofa. Isu ket maysa kadagiti pannakaulo ti amma a karaman iti agarup 26,000 a napili, mamaingel, ken nabileg a lallaki iti buyot ti Israel.​—1Cr 7:30, 36, 40.