TRIFENA

[nagtaud iti sao a Griego a kaipapananna ti “agbiag a naluho”].

Maysa a Kristiano a babai idiay Roma a kinablaawan ni Pablo iti suratna ken kinomendaranna gapu iti napinget a panagtrabahona. (Ro 16:12) Da Trifena ken Trifosa, nga agkadua a nailista, ket mabalin nga agkabsatda iti lasag, ta kadawyan kadagiti kameng ti maysa a pamilia ti maaddaan iti nagnagan a naadaw iti maymaysa a ramut a sao, kas iti naganda a dua. Dagiti naganda ket gagangay kadagiti babbai iti sangakabbalayan ni Cesar; ngem saan a dinakamat ti rekord no dagitoy a dua a babbai ket kameng dayta a sangakabbalayan.​—Fil 4:22.