‘Mangyegkayo iti Sabali Pay Kadagidiay Nalabaga a Liblibro
Bayat ti regular a gimong ti kongregasion dagiti Saksi ni Jehova idiay makintengnga a laud nga Estados Unidos, nagkiriring ti telepono. “Awan ti makalagip iti maudi a panagkiriring ti telepono bayat ti gimong,” kuna ti maysa kadagiti adda sadiay. Maysa a panagsasarita ti madama a maar-aramid iti panangusar iti publikasion a Mabalinyo ti Agbiag nga Agnanayon iti Paraiso a Daga iti ministerio iti tay-ak. “Padtuanyo no ania ti tarigagayan ti babai!” intuloy a kinuna ti surat. “Napadtuanyo—‘maysa pay kadagidiay nalabaga a liblibro’! Nasaksakbay pay nakaawat iti maysa ket tarigagayanna pay ti sabali a maipaay iti anakna a babai a dakkelen ken adayo manipud iti pagtaenganna.”
Iti dua a tawenen nanipud idi pannakairuarna nasuroken a 15 milion a kopia daytoy napintas ti pannakailadawanna a katulongan iti panagadal iti Biblia ti naiprentan iti nasurok a 55 a pagsasao. Mangalakayo iti kopiayo, ket maawatanyonto no apay a nakalatlatak.
Pangngaasiyo ta patulodandak, nabayadanen ti seliona, ti nailadawan a 256-pinanid, natangken-akkubna a libro a Mabalinyo ti Agbiag nga Agnanayon iti Paraiso a Daga. Nangisapitak iti ₱30. (Maipaay iti presio kadagiti dadduma a pagpagilian, pangngaasiyo ta makiumankayo iti lokal nga opisina iti Watch Tower Society.)