Ti Biblia Agpaay Kadagiti Napasnek nga Estudiante ti Biblia

Iti panagsuratna iti The Classical Journal, ni Thomas N. Winter ti University of Nebraska ti nangirekomendar iti The Kingdom Interlinear Translation of the Greek Scriptures kadagiti estudiante. “Saan nga ordinario daytoy nga interlinear,” kunana. “Ti integridad ti teksto iti naitalimeng, ket ti Ingles, nga isut’ agparang iti babana isu ti simple a pamunganayan a kaipapanan ti sao a Griego. Gapuna ti interlinear a paset daytoy a libro ket saan a pulos a patarus. Ti maysa a teksto nga addaan iti insigida a bokabulario iti ad-adda nga apagpag-isu a mangiladawan iti dayta. Ipatarusna iti nalamuyot nga Ingles iti agparang iti akikid a binatogna iti makin-kannawan nga adda iti pahina. . . .

“Kalpasan iti panangsukimat iti maysa a kopia,” intuloy ni Winter. “Inikkak dagiti sumagmamano nga interesado a segundo-año nga estudiante ti Griego iti dayta kas maysa a katulongan a libro. Awan dagiti asainmen a naaramid iti dayta: dagiti estudiante, nga intipon ti tarigagayda a makaadal iti Griego nga addaan iti natural nga interes iti orihinal a Baro a Tulag, ti nagturongda iti dayta iti kabukbukodanda. Basaenda iti Griego (ket irekomendarko iti panangbasa iti dayta a sipipigsa), nga agpidutda iti Ingles a kasla di met unay mapupuotan, ket nagpatinggada a nangparang-ay iti Griego. . . .

“Ti teksto iti naibatay ti Brooke F. Wescott ken Fenton J. A. Hort (1881. repr.), ngem ti patarus dagiti di am-ammo a komite ti naan-anay a maiyanatup iti panawen ken apagpag-isu. Kas pangarigan, agpadpada ti King James ken ti Revised Standard, inusarda ti ‘lallaki a mamasirib’ para iti Griego a magoi (e.g., Matt. 2:1, 2:7, 2:16), ti Kingdom Interlinear ti addaan ti ‘dagiti astrologo,’ nga ad-adda a mas umiso ken makaisuro a patarus. Ti libro ti nakaan-annad iti pannakaiyurnos ken pannakaimalditna.

“Iti pananggupgop, no umay ti maysa a Saksi iti ruanganyo, dagiti klasisista, dagiti estudiante a Griego, wenno dagiti estudiante ti Biblia nga agpadpada nasayaat no pastrekentayo ida ken mangikabil iti pedido. Wenno mabalinyo ti agpedido a direkta manipud Brooklyn.”

Mabalinyon nga awaten daytoy nagsayaat a sao-por-sao a patarus ti Biblia a Griego iti ₱36 babaen laeng iti panangsurat ken panangipatulodyo iti naipakuyog a kupon.

Pangngaasiyo ta patulodandak iti 1184-panid, a natangken ti akkubna a Biblia a The Kingdom Interlinear Translation of the Greek Scriptures. Mangilukonak ti ₱36.