Nakaskasdaaw a Katulongan ti Memoria

Dagiti cassette recordings iti Ti Librok dagiti Estoria ti Biblia ket kasta ti kasasaadda. Maysa nga ina manipud Alberta, Canada, ilawlawagna:

“Maysa nga aldaw basbasaek ti estoria manipud Ti Librok dagiti Estoria ti Biblia iti uppat ket kagudua ti tawenna nga anakko a lalaki, ni Shaun. Bayat ti panagsardengko iti maysa a punto iti pakasdaawak nasarakak a rinugiannan nga intultuloy ti estoria, sao por sao, kas ti panagparangna iti Estoria ti Biblia a libro. Idi damo pagarupek a maysa laeng nga estoria ti ammona. Gapuna pinadasko ti sabali ken kalpasanna ti sabali manen ket immemoriana ti tunggal maysa. . . .

“Bayat ti panagimdengna iti tape ad-adalenna ti ladawan iti libro a mainaig iti tunggal estoria. Kasla babaen iti daytoy a pamay-an pudno a naimemoriana, sao por sao, ti immuna a 33 nga estoria, agraman dagiti naririkut a nagnagan iti luglugar ken tattao. No adda man malipatanna, masansan nga alaenna laeng iti maysa a sao ken saan nga ad-adu ngem tallo wenno uppat a sasao ti palabsenna ket kabaelannanto manen nga itultuloy.”

Nabaybay-anyo kadi wenno naliwayanyo daytoy a nakaskasdaaw a katulongan ti memoria? Dagiti cassettes a 116 nga estoria iti Ti Librok dagiti Estoria ti Biblia ti mangipaay iti managimdeng ti maysa a kapanunotan no ania dagiti maipapan amin iti Biblia. Ket gapu iti maulit-ulit a panagimdeng kadagitoy a salaysay ket maysa a nagsayaatan a katulongan iti memoria, anian a nagsayaatan a pamay-an daytoy a pangisuro kadagiti agtutubo! Ti album dagiti uppat a cassettes ket ₱120.

Pangngaasiyo ta mangipatulodkayo, nabayadanen seliona, ti kolor kape nga album nga addaan uppat a cassette tapes iti Ti Librok dagiti Estoria ti Biblia. Nangisapitak iti ₱120. (Iti ruar ti Filipinas, agsuratkayo iti lokal a sanga ti Watch Tower maipaay iti impormasion. Ingles laeng.)