Manipud Bibig ti Maysa nga Ubing

DAGITI nagannak ken Mia, a tallo ti tawenna a babai, ken miembro ti Dutch Reformed Church idiay Sud Africa, agsapsapulda ti maysa a mangaywan ken ni Mia bayat nga agtartrabahoda. Maysa a Saksi ti mayat ngem imbagana kadagiti nagannak a tunggal aldaw sursuruanna ti mismo nga annakna manipud iti Biblia. Immanamong dagiti nagannak a ni Mia ti mairaman iti daytoy. Naammuan ni Mia ti maipapan iti kari ni Jehova a Paraiso ket maayatan unay iti naadalna. Idi agtawen ti uppat isut’ madi a mapan iti maysa a boda idiay simbaan, a kunkunana: “Daddy, daytoy ti Babilonia a Dakkel.”

Idi agtawen ti innem ti ministro ti nagsaludsod no ania a relihion ti nakaikamenganna. Kunana, dagiti “Saksi ni Jehova.” “Ket dagiti nagannak kenka?” “Addada pay laeng iti Dutch Reformed, ngem dandanin agbalinda metten a Saksi ni Jehova.” Makapungtot a simmungbat ti ministro: “Dika bibiangan dagiti tattaok!”

Itatta ni Mia pito ti tawennan ket maragsakan nga isut’ nakagteng iti kinapudno idi agtawen ti pito. Dagiti dadakkelna inyebkasda ti tarigagayda a mabautisaran.