“Dagiti Kopia nga Agpaay kadagiti Personal a Gagayyem”
Agsipud ta tinagiragsakda unay ti libro a Panangparagsak ti Biag ti Pamiliayo, adu ti nangiranud kadagiti kopia daytoy kadagiti dadduma. Kas pangarigan, maysa a taga Indiana, E.U.A., ti nagsurat:
“Kayatko a komplimentuankayo iti nakaskasdaaw a libro a kabasbasak pay laeng, ti Panangparagsak ti Biag ti Pamiliayo. Nagsayaat ti pannakaisuratda ken nalaka a tarusan a libro ket dagiti agtutubotayo agraman dagiti natataengan ti magunggonaan iti panangbasada iti dayta.
“Kayatko dagiti ekstra a kopia a maipaay kadagiti personal a gagayyem ket kayatko met nga usaren ti libro kas regalo iti panagpakasar.
“Miembroak iti pammati a Nasareno . . . ket diak kayat dagiti materiales, malaksid iti dayta a libro, a maipatulod kaniak . . . No mabalin ti innak pananggatang ti 10 a kopia iti libro iti rasonable a presio, apresiarek ti innak pannakangngeg kadakayo.”
Nalabit kasta met ti panagriknayo iti libro a Pamilia kas iti daytoy a tao. Adda kadi ammoyo nga asinoman a kayatyo a pangiranudan iti dayta? Apay dikay patulodan dayta a tao iti maysa a regalo a kopia? Mabalinyo nga aramiden dayta babaen ti panangsurat laeng ken panangipakoreo iti naipakuyog a kupon, a mangiraktip ti ₱14 a kadua ti kupon.
Pangngaasiyo ta mangipatulodkayo, a nabayadanen ti seliona, ti natangken-akkubna, a 192-panid a libro a Panangparagsak ti Biag ti Pamiliayo agraman ti surat a mangilawlawag a daytat’ maysa a regalo a naggapu ken ni ‐‐‐‐‐‐‐‐‐‐‐‐‐.
Mangilukonak ti ₱14.