‘Kaay-ayo Unay dagiti Ubbing Dayta’

Minilmilion a pamilia ti nangtagiragsak Ti Librok dagiti Estoria ti Biblia. Dagiti 116 a salaysay ti Biblia itdenna iti managbasa ti idea no ania a talaga ti Biblia. Idi karrugi daytoy a tawen maysa a tao a taga Makinlaud nga Australia ti nangipamatmat no kasano ti kinaepektibo ti libro, nga inlawlawagna:

“Ti propesionko ket mannursuro ket sapsapulek ti panangtignayko kadagiti ub-ubbing nga adda nga aywanko tapno ipaayda amin nga ar-aramidda iti eskuela iti Dios ken ni Jesus, kas ti ar-aramidek met iti obrak a maipaay kadagiti ub-ubbing. Pinagbalinko nga annongek nga ibasaan ti klasek manipud iti libroyo a ‘Libro dagiti Estoria ti Biblia’ a ginatangko manipud maysa kadagiti sumarsarungkar a Saksi a kaduayo. Kaay-ayo unay dagiti ubbing ti libro, dagiti estoriana, ket idawatda nga estoriaak pay ida ti ad-adu no idissokon dayta.”

Addada aya ubbing nga am-ammoyo a tagtagiragsakenda met Ti Librok dagiti Estoria ti Biblia? Mabalinyo ti umawat ti maysa a kopia babaen ti panangsurat ken panangipakoreo ti naipakuyog a kupon. Ti libro ket addaan 256 a panid, a ti kadakkel ti panidna ket kas itoy a magasin. Daytat’ addaan iti nasurok a 125 a dadakkel a ladladawan, kaaduanna ti de kolor.

Pangngaasiyo ta patulodandak, nabayadanen ti seliona, ti natangken-akkubna a libro a Ti Librok dagiti Estoria ti Biblia, nga isu ti pangilukonak ti ₱35.