Ta Bagim Met La Kadit’ Idolom?

Dida am-ammo, dadduma a tattao pagbalbalinendat’ bagbagida nga idoloda met laeng. Ti Biblia ilawlawagna idiay Efeso 5:5: “Ta pagaammoyo unay, nga amin a mannakikamalala wenno tao a narugit wenno naagum​—isu a panagrukbab kadagiti didiosen​—awan ti aniaman a tawidda iti pagarian ni Kristo ken ti Dios.” (Colosas 3:5; idiligyo ti Galacia 5:19-21.) Ti nainlasagan a tartarigagay mabalin a bumallaet iti tao ken iti Dios. Kuna ni Pablo maipapan iti dayta a “ti diosda isu ti tianda.” (Filipos 3:18, 19) Iti sabali a pannao, adda sabali a “diosda” malaksid ken Jehova, nga ipangpangrunada ti bukodda a nainlasagan a tartarigagay. Ti kasta a kababalin mabalinna nga ilaksid ti maysa a tao manipud Pagarian ti Dios. (1 Corinto 6:9, 10) Ngarud, adda ti naimbag a rason, nga ipangag dagiti sasao ni apostol Pablo: “Gapuna, ay-ayatek, pumanawkayo iti panagrukbab kadagiti ladladawan.”​—1 Corinto 10:14.