Kasanok a Mapagballigian ti Panangpilit Dagiti Kapatadak?
Ti surat a naggaput’ maysa a polis ti Chicago iyilustrarna ti kinapateg ti panangammo ti sungbat. Insuratna:
“Idi Enero 15, 1990, as-asikasuek ti maysa a 18-años a preso a naisublit’ Chicago manipud Mississipi nga addaan mandamiento ti pugante. Paset ti panangasikaso ket isut’ panangala ti amin a sanikua ti preso. Adda iti ikutna ti libro nga Iyimtuod ti Agtutubo.
“‘Binasamon aya daytoy a libro?’ insaludsodko.
“‘Wen,’ insungbatna, ‘bayat nga aglemlemmengak idiay Mississippi, nagtrabahoak iti maysa a pagtalonan, ket dua kadagiti Saksi ni Jehova ti nangted kaniak itoy a libro.’ Kalpasanna agsangiten, a ngangngani dina matngelan ti panaganug-ogna. Iti baet ti panagsangsangitna, kunana: ‘Nabasakon a namin-adu daytoy a libro, ket ti kapitulo nga inulit-ulitko ket daydiay “Kasanok a Mapagballigian ti Panangpilit dagiti Kapatadak?”’ Sana innayon pay: ‘No la koma adda kaniakon daytoy nga impormasion tallo wenno uppat a tawen sakbayna, awanak koma ditoy itatta.’
“Ti preso naipanawen, ket binasak ti report ti polis ken ti panagipudnona iti polisia. Iti dayta kunana: ‘Ti lider ti barkadami ti nagkuna kaniak nga innak idiay ngudo ti kalsada ket paltogak ti maysa a kameng ti karibal ti barkadami nga aglaklako ti cocaine iti teritoriami. Inaramidko ti kunana kaniak. Agbutengak a dagiti dadduma a miembro panunotenda a takrutak. Kayatko nga awatendak.’”
Nalabit uray dakayo inyimtuodyon iti bagiyo dagiti salsaludsod kas ti: Kasanok a mapagballigian ti panangpilit dagiti kapatadak? Agsardengakon aya iti panageskuela? Kasanok a maikunat’ saan iti sekso sakbay ti panagasawa? Apay a kunaen saan iti droga? Dagitoy ti sumagmamano laeng kadagiti tema a naisalaysay idiay Dagiti Saludsod nga Iyimtuod ti Agtutubo—Dagiti Sungbat nga Epektibo. No interesadokay a makaawat ti maysa a kopia daytoy nagpintas pannakaiyilustrarna a 320-panid a libro, pangaasiyo ta suratanyo ken ikoreoyo ti kupon.
Kayatko ti makaawat ti natangken-akkubna a libro a Dagiti Saludsod nga Iyimtuod ti Agtutubo—Dagiti Sungbat nga Epektibo. (Agsurat iti direksion iti baba maipaay iti impormasion. Iti ruar ti Filipinas, agsuratkayo iti lokal a sanga ti Watch Tower agpaay iti impormasion. Kitaenyo ti panid 2.)