Naus-usar iti Panangisuro ti Klase

Ti libro a Life​—How Did it Get Here? By Evolution or by Creation? ket nausar iti maysa nga eskuelaan idiay California. Ti maysa nga 11-años inlawlawagna no kasano: “Kumitkitaak idiay libro a Creation,” insurat daytoy a babai, “ket nakitak nga addada sumagmamano a kapitulo maipapan iti uniberso ken kadagiti bituen. Iti daydi a tiempo ti maestromi isursurona kadakami ti maipapan iti astronomia.

“Gapuna insuratko iti bassit a papel dagiti kapitulo a mabalin pagragsakanna a basaen, ket intedko kenkuana agraman ti libro. Awan nasasaona nga aniaman iti las-ud ti dua a bulan. Kalpasanna rinugianna nga insursuro kadakami maipapan ti big bang theory. Kunana nga ad-adalenna ti maysa a libro. Napan idiay lamisaanna ket inruarna ti Life​—How Did It Get Here? By Evolution or by Creation? Nakellaatak pay.

“Kunana a dayta pay laeng ti kasasayaatan a libro a nabasana. Kalpasanna inukradna ti libro ken impakita iti klase dagiti retrato. Nakitak a sinungbatanna ti tunggal saludsod iti libro ken minarkaanna ida. Idi isut’ mangisursuro kadakami, ukradenna ti libro, basaenna ti parapo, sananto ilawlawag dayta. Idi umayen ti tiempo nga ageksamenkami, dagiti saludsod nagtaudda a mismo iti libro. Gapuna nakalaklaka para kaniak ti nagadal agpaay iti eksamen. . . . Nakaalak ti A.”

Patienmi nga uray dakayo magunggonaankay met manipud itoy a libro. No kayatyo ti umawat ti maysa a kopia, pangaasiyo ta suratanyo ken ikoreoyo ti naipakuyog a kupon.

Kayatko ti umawat ti natangken-abbongna a 256-panid a libro a Life​—How Did It Get Here? By Evolution or by Creation? (Agsuratkayo iti direksion nga adda iti baba maipaay iti impormasion. Iti ruar ti Filipinas, agsuratkayo iti lokal a sanga ti Watch Tower maipaay iti impormasion. Kitaenyo ti panid 2.)