Dagiti Estoria ti Biblia a Mangkayaw ti Ub-ubbing

Maysa a miembro ti kongregasion a Protestante idiay Puerto Rico nagsurat iti Watch Tower Society: “Maysaak a mannursuro kadagiti ub-ubbing iti maysa nga eskuelaan ti Biblia. Bayat ti napalabas a tawen, ti sumaganad napasamak kaniak.

“Dagiti libro nga us-usarek a pangisuro kadagiti ub-ubbing maipapan ti historia ti Biblia nakompleton, gapuna sinaludsodak ti bagik: ‘Aniat’ aramidek itan?’ Bayat a kumitkitaak kadagiti estante idiay siledko nga ayan dagiti agarup sangagasut a liblibro, nakakitaak ti maysa nga amarilio a napauluan Ti Librok dagiti Estoria ti Biblia. Naikeddengko nga usaren daytoy a libro.

“Pinunasak ti tapukna ket rinugiak nga usaren dayta kada Domingo iti panangisursurok. Dagiti ub-ubbing maragragsakanda iti libro, ket dikam pay laeng nalpas ti maysa a kapitulo kayatda manen a rugian ti sabali. Ti resulta: Nalpas ti tawen, ket nasaknapanmi ti intero a libro. Dagiti ub-ubbing maragragsakanda, ket agyamyamanak unay. Daytat’ talaga a nagpintas a libro, nalawag ken apagpag-isu.”

Patienmi nga uray dakayo met ket patgenyo daytoy nagpintas pannakaiyilustrarna, dadakkel-letrana a pagbasaan. Dagiti 116 a salaysayna ti Biblia ipaayandat’ managbasa ti ideya no aniat’ adda a naguneg ti Biblia. Dagitoy nga estoria agparangda iti urnos a pannakapasamakda. Makitayonto daytoy a pudpudno a makatulong iti panagadal no kaano a, mainaig kadagiti dadduma a pasamak, napasamak dagiti bambanag. No kayatyo a maammuan no kasano ti umawat iti daytoy nagpateg a 256-panid a libro, pangngaasiyo ta suratanyo ken ikoreoyo ti naipakuyog a kupon.

Kayatko ti umawat iti natangken-abbungna a libro a Ti Librok dagiti Estoria ti Biblia. (Agsuratkayo iti direksion nga adda iti baba maipaay iti impormasion. Iti ruar ti Filipinas, agsuratkayo iti lokal a sanga ti Watch Tower a maipaay kadagiti impormasion. Kitaenyo ti panid 2.)