“Apay a Matmatay Dagiti Maladaga?”

Dayta ti kayat nga ammuen ti maysa a pamilia a nakapukaw iti dua a babassit nga ubbing. Inlawlawag ti maysa a lalaki manipud Willowick, Ohio, E.U.A.:

“Iti nabiit pay, napasamak ti trahedia iti uneg ti pamiliak. Napukaw ti babai a kabsatko iti lasag ti dua a maladaga nga annakna iti maysa a terible nga aksidente iti kotse. Siempre, ti intero a pamilia ket nalapunos iti ladingit. Ti ministroda a Baptist awan naitukonna a Nainkasuratan a panangliwliwa. Maikunana laeng, ‘Daytat’ pagayatan ti Dios’ ken, ‘Kasapulan ti Dios ti dua pay nga anghel.’

“Nupay bassit laeng ti tiempo para ti panagsirarak, nagturongak iti libro a Pannakirinnason Manipud kadagiti Kasuratan ken iti topikona nga ‛Apay a Matmatay dagiti Maladaga?’ Kadagiti aldaw ken lawas a simmaruno, ti asawak ken siak inranudmi iti pamiliak dagiti napudno a sungbat iti adu kadagiti saludsodda, a kas ti, ‘Apay a matmatay dagiti maladaga?’ ‘Pagayatan kadi ti Dios ti panangala kadagiti annak manipud dadakkelda?’ ken, kangrunaan amin, ‘Aniat’ adda a namnama iti pannakakita manen kadagitoy ay-ayaten nga annak?’ Kinuna dagiti nagannakko a kayatda ti umay idiay Kingdom Hall iti masanguanan.”

Ti Pannakirinnason Manipud kadagiti Kasuratan naglaon iti nasurok a 70 a kangrunaan a paulo a suheto. Inramanna ti “Ipapatay,” “Impierno,” “Kararua,” “Rapture,” “Reinkarnasion,” “Sekso,” “Espiritismo,” ken adu a sabsabali pay. Ti pito-panid nga indese dagiti suhetona ken dagiti kasuratan matulongannakayo a mangsapul kadagiti sungbat a nadaras. Tapno magun-odan ti impormasion no kasano ti umawat iti kopia, pangaasiyo ta suratanyo ken ipatulodyo ti kupon.

Kayatko ti umawat ti natangken-akkubna 448-panid a maiggaman a libro a Pannakirinnason Manipud kadagiti Kasuratan. (Agsuratkayo iti address iti baba para iti impormasion. Iti ruar ti Filipinas, pangaasiyo ta agsuratkayo iti lokal a sanga ti Watch Tower maipaay ti impormasion. Kitaenyo ti panid 2.)