Abrasaenyo Kadi ti Maysa nga Isasarungkar?

Idi napan a tawen maysa a babai manipud Corpus Christi, Texas, E.U.A., ti nagsurat iti Watchtower Society idiay Brooklyn, New York, a kunkunana: “Emily ti naganko, ket ad-adalekon ti literatura nga inted kaniak ti dadduma kadagiti Saksi ni Jehova sumagmamano a lawas ti napalabasen. Kalpasan panangbasak kadagiti magasin ken panangidiligko kadakuada iti Biblia ti pamiliak, naawatak a kasla saan nga isursuro ti Simbaan a Romano Katoliko no ania ti adda idiay Biblia. Dida pulos sawen ti nagan ti Dios wenno ti um-umay a Pagarian ti Dios, nga isu dagitoy ti nasarakak a pamunganayan a tema idiay Bibliak. Insardengkon ti mapan iti relihion ti pamiliak ket inrugikon nga adalen ti Biblia, yaman pay iti napudno a literaturayo.

“Kayatko ti mangrugi a makilangen iti kongregasion dagiti Saksi ni Jehova ditoy. Pangngaasiyo ta pakaammuanyo ida nga umayda ditoy balayko tapno makapagsasaritakami.”

Maysa kadagiti Saksi ni Jehova ti maragsakan met a mangsarungkar kadakayo ken tulongannakayo a mangparang-ay ti pannakaammoyo maipapan iti Dios, ti Pagarianna, ken dagiti panggepna, kas nairekord idiay Biblia. Tapno magun-odanyo daytoy a serbisio, suratanyo laeng ti impormasion a nakiddaw iti baba ken ibusonyo iti direksion nga adda iti kupon.

Kayatko a maammuan ti ad-adu pay maipapan ti Biblia. Pangngaasiyo ta mangiyurnoskayo iti maysa a sumarungkar kaniak.