‘Agtultuloy ti Panagpukaw ti Libro’
Daytat’ kunaen ti maysa a maestra iti nangato a pagadalan idiay makinabagatan a California, E.U.A., maipapan ti libro a Dagiti Saludsod nga Iyimtuod ti Agtutubo—Dagiti Sungbat nga Epektibo. Inyussuat ti pagadalan ti inaldaw a tiempo ti panagbasa nga iti dayta mabalin a basaen dagiti estudiante ti aniaman a kayatda. Isut’ nangiruar kadagiti literatura, maibilang ti libro nga Iyimtuod ti Agtutubo, para kadagiti estudiante nga awan intugotda a basaen.
“Ti libro nagbalin a kalalatakan idiay klase,” inlawlawagna. “Daytat’ agpukaw iti sumagmamano nga oras no maminsan, wenno uray pay maysa wenno dua nga aldaw, ket sa agsubli. Saludsodan dagiti estudiante dagiti gagayyemda, ‘Nabasam kadin daytoy?’ wenno ikumentoda, ‘Nasayaat dayta a libro.’ Kalpasan panangisaritada kadagiti bambanag iti gagayyemda, agsublida ket ad-adu pay ti basaenda.
“Naikupin dagiti binulongna, ken mailasin ti pannakagagara unay ti libro. Ti nagagara unay a kapitulo isu ti numero 23, ‘Ti Ngay Panagdenna Sakbay ti Panagasawa?’ Magustuan dagiti estudiante dagiti ladawan, ken maitunosda kadagiti paulo a kumento. Nakitak ti maysa nga estudiante a mangbasbasa iti kapitulo nga ‘Apay a Nagsina da Tatang ken Nanang?’
“Pagam-ammuan nagpukaw ti umuna a libro, gapuna a nangiruarak ti sabali manen. Kalpasanna nagsubli ti immuna, isu a duada itan. Naglabas ti tallo wenno uppat a bulan sipud panangiruarko iti immuna a libro, ket dagitoy mabasbasa pay laeng.”
Dagiti sabali pay kadagiti 39 a kapitulo idiay libro ket “Kasanoak a Maaddaan ti Pudpudno a Gagayyem?” “Kasano Kapateg ti Langlanga?” ken “Kasanok a Masierto No Pudno nga Ayat Dayta?” No kayatyo a maammuan no kasanoyo ti umawat iti kopia daytoy a makaawis pannakaiyilustrarna a libro, pangngaasiyo ta suratanyo ken ibusonyo ti kupon.
Kayatko a maammuan no kasanoak nga umawat iti 320-panid a natangken akkubna a libro a Dagiti Saludsod nga Iyimtuod ti Agtutubo—Dagiti Sungbat nga Epektibo. (Agsurat iti direksion nga adda iti baba para iti impormasion. Iti ruar ti Filipinas, agsurat iti lokal a sanga ti Watch Tower para iti impormasion. Kitaenyo ti panid 2.)