Tinawen a Miting

OKTUBRE 2, 1993

MAANGAY TI TINAWEN A MITING dagiti miembro ti Watch Tower Bible and Tract Society of Pennsylvania inton Oktubre 2, 1993, idiay Assembly Hall of Jehovah’s Witnesses, 2932 Kennedy Boulevard, Jersey City, New Jersey. Maangay ti umuna a miting dagiti miembro laeng iti alas 9:30 t.b., a sarunuen ti pangkaaduan a tinawen a miting iti alas 10:00 t.b.

Dagiti miembro ti Korporasion rebbeng a pakaammuanda ti Opisina ti Sekretario itan iti aniaman a panagbalbaliw ti pakaipatulodan ti sursuratda bayat ti napalabas a tawen tapno dagiti regular a surat a panangipakaammo ken proxies dumanon kadakuada di agbayag kalpasan ti Agosto 1.

Dagiti proxies, a maipatulod kadagiti miembro agraman pakaammo ti tinawen a miting, masapul a maisublida tapno makagteng iti Opisina ti Sekretario ti Sosiedad saan a naladladaw ngem Agosto 15. Tunggal miembro rebbeng a kompletuenna ken isublina nga insigida ti proxy-na, nga ibagana no personal nga addanto iti miting wenno saan. Ti impormasion a naited iti kada proxy rebbeng a piho iti daytoy a punto, ta daytat’ pangdeterminaran no siasino dagiti personal nga addanto.

Ti intero a sesion, agraman ti pormal a miting ken report dagiti bambanag manamnama nga agpatingga iti ala 1:00 t.m. wenno di agbayag kalpasan dayta. Awanton ti sesion iti malem. Gapu iti limitado nga espasio, ti makastrek ket babaen ti tiket laeng. Awan dagiti urnos a panangisilpo ti tinawen a miting babaen kadagiti linia ti telepono kadagiti dadduma nga auditorio.