“Agbasatayo Pay ti Ad-adu Sakbay a Manglaistayo”

DAYTA ti kinuna ti maysa a lalaki a taga New Zealand maipapan iti Pagwanawanan, ti magasin a basbasaenyo. Maipapan iti maysa nga artikulo maipanggep iti nailangitan a karuahe ti Dios a nailadawan iti Ezequiel kapitulo 1, insurat ti lalaki:

“Adda uppat a payak ken uppat a rupa ti tunggal maysa kadagitoy uppat a sibibiag a parsua, wenno kerubin. Addaanda iti rupa ti leon, a mangipasimudaag ti kinahustisia ni Jehova; rupa ti toro, a mangirepresentar iti pannakabalin ti Dios; rupa ti agila, a mangiladawan iti kinasiribna; ken rupa ti tao, a mangipamatmat iti ayat ni Jehova.

“Kalpasan ti panangulit-ulitko a panangbasa iti daytoy, naaddaanak iti nasged a rikna iti kaunggan toy pusok. Nakaluaak gapu iti ragsak. Ti dagus a napanunotko ket, ‘Anian a nagimnas ken makaay-ayoka, Jehova!’ Saanak a makatagari gapu kadagitoy baro a rikna nga adda kaniak maipaay iti daytoy Jehova a Dios a linalaisko iti adu a tawen, kas maysa a tao a taga lubong. ‘Agyamanak’ kadagiti Saksi ni Jehova, ken kunaek iti adu a kas kaniak nga, ‘Agbasatayo pay ti ad-adu sakbay a manglaistayo.’”