Sibabara a Maawiskayo

Ti ipapatay ti tao a ni Jesu-kristo nasurok a 1,900 a tawenen ti napalabas isut’ kapapatgan a pasamak iti natauan a historia. Linukatan dayta ti namnama a gumun-od iti biag nga agnanayon iti paraiso a daga. Kabayatan ti simple a rambak, nagaramat ni Jesus iti di nalebaduraan a tinapay ken arak kas simbolo ti naayat a natauan a datonna. Kalpasanna, kinunana kadagiti adalanna: “Itultuloyyo nga aramiden daytoy kas panglaglagip kaniak.” (Lucas 22:19) Lagipenyo aya daytoy napateg a pasamak? Sibabara nga awisendakayo dagiti Saksi ni Jehova a makipagrambak iti daytoy a panglaglagip. Maangayto dayta kalpasan ti ilelennek ti init iti petsa a katupag ti nisan 14 iti lunar a kalendario ti Biblia. Mabalinyo ti tumabuno iti Kingdom Hall a kaasitgan iti pagtaenganyo. Makiumankayo kadagiti Saksi ni Jehova iti lugaryo para iti eksakto nga oras ken lugar. Ti petsa ti rambak iti 1995 ket inton Biernes, Abril 14.