“Iti Labes Dagiti Pagbeddengan ti Kinasimbeng”
“YANTANGAY nangrugi dagiti gubat iti pampanunot dagiti tattao, iti pampanunot dagiti tattao a masapul nga ibangontay dagiti sarikedked ti talna.” (Karta ti UN Educational, Scientific, and Cultural Organization) Tangay sipapanunot iti daytoy a sasao, inusig dagiti nasurok a 500 nga eksperto a timmabuno idi 1993 iti maysa a komperensia ti UN iti panangkissay kadagiti igam iti akem dagiti relihion iti panangibangon kadagiti kasta a sarikedked.
Ni Jonathan Granoff, a mangibagí iti Lawyers’ Alliance for World Security, indauluanna ti komperensia. Kinunana: Ti kasaknap ti agdama a narelihiosuan ken etniko a dangadang ket iti labes dagiti pagbeddengan ti sibilisado a kababalin, posible nga iti labes dagiti pagbeddengan ti kinasimbeng.” Maikanatad ti pannakadakamat dagiti sasao ni John Kenneth Galbraith kabayatan ti komperensia: “Ad-adu a tattao ti napapatay iti nagan ti relihion ngem iti pakadagupan dagiti napapatay kadagiti amin a gubat ken natural a didigra.”
Kinuna ni Dr. Seshagiri Rao: “Rumbeng koma a mangpaimbag dagiti mangngagas a saan ket a mangisaknap kadagiti sakit. Dagiti narelihiosuan a tradision saanda koma a rumbeng nga agisaknap iti guranggura ken naranggas a dangadang maibusor iti maysa ken maysa. Nairantada nga agbalin a puersa ti panagkakappia. Nupay kasta, iti kinapudnona, masansan a nagtignayda ken agtigtignayda pay laeng kas mamagsisina a puersa.”
Sumagmamano a tawen ti napalabasen, kinuna ti Catholic Herald ti Londres a maipanamnama ti talna “no dagiti iglesia itatta agdadanggayda a mangkondenar iti gubat.” Nupay kasta, innayon ti pagiwarnak: “Ammotayo a saanto a pulos a mapasamak daytoy.” Nagkomento ti maysa a Katoliko a madre: “Anian a nagpaiduma ti lubong no pagammuan ta maikeddengtay amin a sititibker a saantay a makiramanen iti panaggugubat, . . . kas kadagiti Saksi ni Jehova!”
[Picture Credit Line iti panid 32]
Tom Haley/Sipa Press