Addanto Ngata Tiempo a Maawan Dagiti Kastoy a Buya?

SADINOMAN a papanantayo kadagitoy nga aldaw, makitatayo dagiti ladawan ti pannakariribuk, dangadang, ken gubat. Ngem saan a panggep daytoy a magasin a nayonan pay ti amin a dakes a damag nga ammoyon. Imbes ketdi, daytoy naisangsangayan a ruar iyam-ammona kadakayo ti dua a makaliwliwa a kinapudno. Umuna, a dagiti nagkauna a padto iti Biblia aktual a dakdakamatenna ti adu kadagiti makapakellaat a dakes a damag iti panawentayo; maikadua, a daytoy isu met laeng a libro ti padto tuktukoyenna ti panawen inton awanen ti kakasta a buya a kas ti nailadawan ditoy. Awanton ti gubat. Awanton ti panagbomba, dagiti sniper, bomba a naimula iti daga, wenno terorismo. Awanton dagiti agladladingit nga ulila wenno awanan pagtaengan a nagbakuit. Maysa a lubong nga addaan pudpudno, makapabang-ar a talna. Kayatyo kadi a makita ti kasta a panawen? Paregtaendakayo a mangusig no ania ti ibagbaga ti Biblia. Ad-adda pay a maliwliwakayo iti dayta ngem iti mabalin nga ipagarupyo.