Maysa nga Okasion a Diyo Koma Liwayan

“Tunggal naimbag a sagut ken tunggal naan-anay a rangkap” aggapuda iti Dios, ti nailangitan nga Amatayo.​—Santiago 1:17.

TI KADAKLAN a sagut nga inted ti Dios iti managbasol a sangatauan isu ti probision a pannakasubbotda babaen ti bugbugtong nga Anakna, ni Jesu-Kristo. Ti ipapatay ni Jesus, ti Mannubbottayo, pagbalinenna a posible ti biag nga agnanayon iti paraiso a daga. Iti Lucas 22:19, naibilin a laglagipentayo ti ipapatayna.

Sibabara nga awisendakayo dagiti Saksi ni Jehova a makiraman kadakuada iti panangtungpal iti bilin ni Jesus. Maaramid daytoy tinawen a rambak kalpasan ti ilelennek ti init iti petsa a katupag ti Nisan 14 iti lunar a kalendario ti Biblia, a maangay inton Domingo, Abril 8, 2001. Ilistayo daytoy a petsa tapno diyo malipatan. Damagenyo kadagiti Saksi ni Jehova iti lugaryo ti eksakto a lugar ken oras ti taripnong.