Aldaw a Nasken a Laglagipen

ITI rabii sakbay ti ipapatayna, nangipasa ni Jesu-Kristo iti awan lebadurana a tinapay ken maysa a kopa ti nalabaga nga arak kadagiti apostolna, ket imbagana a mangan ken uminumda. Kinunana pay kadakuada: “Itultuloyyo nga aramiden daytoy kas panglaglagip kaniak.”​—Lucas 22:19.

Iti daytoy a tawen, marambakan daytoy a pasamak inton Domingo, Abril 4, kalpasan ti ilelennek ti init. Dagiti Saksi ni Jehova iti intero a lubong agtataripnongda iti daytoy a rabii tapno rambakanda ti Memorial iti pamay-an nga imbilin ni Jesus. Sibabara a maawiskayo a tumabuno a kaduada. Pangngaasiyo ta damagenyo kadagiti Saksi ni Jehova iti lugaryo no ania ti eksakto nga oras ken lugar a pakaangayan daytoy naisangsangayan a taripnong.