Imbitasion . . .

Ti Dios Kadi Pay Laeng ti Agturay?

DANDANI inaldaw a makadamagtayo kadagiti natural a didigra, makapapatay a sakit, panagkunniber dagiti opisial, iraraut dagiti terorista, gubgubat, krimen. Personal man a napasaram dagita wenno saan, mabalin a napanunotmo no sadino ti pagturturonganen ti lubong ken no sumayaat pay ngata ti kasasaad.

Tapno malawlawagan dagiti kasta a pakaseknan, dagiti Saksi ni Jehova iti nasurok a 200 a pagilian iti intero a lubong mangiparangda iti naintiempuan a palawag a napauluan “Ti Dios Kadi Pay Laeng ti Agturay?” Ilawlawagna no ania ti kuna ken kari ti Dios iti di agbiddut a Saona, ti Biblia, maipapan kadagitoy a napateg a saludsod:

Interesado kadi ti Dios kadagiti pasamak ditoy daga?

Ania ti panagriknana maipapan iti sangatauan?

Maseknan kadi ti Dios iti pagimbagam?

Iti kaaduan a lugar, maiparang ti palawag inton Domingo, Abril 30, 2006, iti Kingdom Hall dagiti Saksi ni Jehova. Dagiti Saksi iti lugaryo maragsakanda a mangipakaammo kadakayo no ania nga oras ken no sadino a maipalawag dayta.

Sibabara a maawiskayo nga umay mangimdeng iti daytoy a makaparegta, awan bayadna, ken naibatay iti Biblia a palawag a makapnek a mangsungbat iti saludsod a: Ti Dios Kadi Pay Laeng ti Agturay?