Espesial a Palawag Publiko
Adda Kadi Pudno a Relihion Sigun iti Panangmatmat ti Dios?
Adu a tattao ti mangan-annurot iti nabangonanda a relihion. Dadduma ti mangpili iti relihionda inton agmataenganda. Adu ti relihion a pagpilian. Nalabit napanunotyo, ‘Talaga kadi a napateg no ania ti relihionko?’
Dayta a saludsod ti masungbatan iti palawag publiko nga “Adda Kadi Pudno a Relihion Sigun iti Panangmatmat ti Dios?” Daytoy a naibatay iti Biblia a palawag ket mangngegan iti nasurok a 230 a pagilian iti intero a lubong. Iti kaaduan a lugar, maipalawag dayta iti Kingdom Hall dagiti Saksi ni Jehova inton Domingo, Abril 26, 2009. Dagiti Saksi iti lugaryo maragsakanda a mangipakaammo kadakayo iti oras ken lugar a pakaangayanna. Sibabara nga awisendakayo a tumabuno.