Dagiti Pakaammo

● Literatura a tukon ti Oktubre: Makatawen a suskripsion iti Agriingkayo! iti ₱70.00. Nobiembre: Ti baro a libro a Ti Biblia—Saot’ Dios wenno iti Tao? iti ₱16.00. Disiembre: Ti Librok Dagiti Estoria ti Biblia iti ₱48.00. Enero ken Pebrero: Dagiti daan a publikasion sigun iti pagsasao, kas sumaganad: English: Worldwide Security a libro iti ₱16.00. Bicol: Truth a libro iti ₱8.00. Cebuano: Happiness a libro iti ₱16.00. Hiligaynon: Good News to Make You Happy iti ₱2.50. Iloko: Happiness a libro iti ₱16.00. Samar-Leyte: Good News to Make You Happy iti ₱2.50. Tagalog: Happiness wenno True Peace a libro iti ₱16.00.

● Ti Nobiembre 1 ket piesta opisial, isu a dagiti kongregasion mangaramidda koma iti naisangsangayan a panangiwaras kadagiti magasin, iti binalay-balay wenno kadagiti sementerio.

● Gapu ta itukontayo ti libro a Ti Biblia—Saot’ Dios wenno iti Tao? iti tay-ak ti serbisio inton Nobiembre, ken adalentayonto kadagiti Panagadal iti Libro ti Kongregasion mangrugi no Disiembre 31, kayatmi nga ipaganetget kadagiti amin nga ipatuloddan nga insigida ti pedidoda para iti daytoy a libro, tapno adda masigurado nga abastoyo inton kasapulanyo dayta.