Dagiti Pakaammo
◼ Literatura a tukon iti Agosto: Aniaman kadagiti broshur iti ₱6.00. Setiembre: Mabalinyo ti Agbiag nga Agnanayon iti Paraiso a Daga, dakkel nga edision iti ₱60.00, bassit nga edision iti ₱30.00. Oktubre: Makatawen a suskripsion ti Agriingkayo! iti ₱80.00. Nobiembre: New World Translation iti Ingles wenno Ti Nasantuan a Kasuratan a Biblia agraman Ti Biblia-Saot’ Dios wenno iti Tao? iti ₱100.00. NOTA: Dagiti kongregasion a saan pay a nagpedido kadagiti nasao ditoy ngato a maikampania a pagbasaan ti masapul a mangaramiden iti sumaruno a binulan a Literature Order Form (S-AB-14).
◼ Kada kongregasion ti umawat iti Literature Inventory forms (S-18) agraman iti bukodda nga statement ti kuenta iti Hunio. Pangaasiyo ta aramidenyo ti aktual a panangbilang iti literatura idiay stock ken suratan dagiti porma a kompleto, a maisubli ti orihinal iti Sosiedad a saan a naladladaw ngem Setiembre 6. Idulinyo ti duplikado iti pagipempenanyo.
◼ Gupgopen ti sekretario ti kongregasion iti report ti serbisio tapno maiserrek iti Congregation Analysis Report form (S-10). Mabalinna nga iwardas a siaannad iti maysa a panglakayen wenno ministerial nga adipen a mangtulong kenkuana a manggupgop iti report. Daytoy ti mangisiguro ti umiso a tabulasion iti kasapulan nga impormasion manipud Congregation’s Publisher Record cards (S-21). Ti Congregation Analysis Report form (S-10) ti masuratan a siuumiso ken sidadalus ken siaannad a nausisa babaen iti komite ti serbisio.
◼ Dagiti pedido iti 1995 Yearbook ken kalendario ti mabalinen a maipatulod iti Sosiedad. Mangipatulodkami iti espesial a Yearbook and Calendar Order Blank ti kada kongregasion a kadua iti statement ti kuenta iti Hunio. No maawatyo daytoy, suratan ken isubliyo iti Sosiedad a saan a naladladaw ngem Agosto 15. Ti kontribusion iti Yearbook isut’ ₱30.00. Dagiti regular ken espesial payunir iti listaan manipud Hulio 1, 1994 wenno sakbay dayta a petsa ti makaawat iti libre a kopia ti Yearbook, ket ti kongregasion agkiddaw ti kredito iti daytoy idiay Remittance and Credit Request form (S-20) no maipatulodda ti bayad a sumaruno iti pannakaawat ti Yearbook. Makaala dagiti payunir iti kanayonan a kopia a maipaima kadagiti saan a dedikado a tattao iti ₱20.00 ti kada maysa. Pangaasiyo ta pagparangenyo dagiti libre a kopia a naiduma iti gatad ti payunir no dumawatkayo iti kredito. Aggatad ti kalendario iti ₱20.00 ken awan ti gatad iti payunir iti daytoy, ni awan met ti maited a libre kadakuada.
◼ Maipatulod metten dagiti pedido iti Panangsukimat Kadagiti Kasuratan iti Inaldaw-aldaw—1995. Maimaildit daytoy iti amin a pagsasao. Mangipatulodkami ti espesial nga order blank daytoy a kakuyog iti sstatement iti Hunio. Pangaasiyo ta suratanyo daytoy, nga agparang ti bilang dagiti kasapulanyo iti kada pagsasao, ken ipatulodyo iti Sosiedad a saan a naladladaw ngem Agosto 15. Ti kontribusionna isut’ ₱10.00 kadagiti agibumbunannag. Maysa a libre a kopia ti maited kada espesial ken regular payunir iti listaan manipud Hulio 1, 1994. Dagiti esktra a kopia ti maala dagiti payunir iti ₱5.00. Makiddaw ti kredito iti wagas kas kadagiti Yearbook.
◼ Adda pay laeng tiempo kadagidiay agplano a mangrugi a regular payunir iti Setiembre 1, 1994 a mangiyawat iti aplikasionda. No maanamongan dagitoy babaen iti komite ti serbisio maikoreoda iti Sosiedad nga awanan taktak tapno maawat iti anamong sakbay ti Setiembre 1.
◼ No kasapulan ti kongregasionyo iti ekstra a magasin iti Oktubre maigapu iti kampania ti suskripsion, pangaasiyo ta ipatulodyo a dagus ti espesial a pedidoyo. Siguruenyo nga usigen iti bilang dagiti auxiliary payunir isuda nga agserbi iti dayta a bulan.
◼ Mangrugi iti Agosto 1, 1994, ti presio dagiti Biblia iti nagduduma a pagsasao a pinartuat iti Philippine Bible Society isut’ maingato iti ₱150.00 iti kada kopia. Awan ti gatad iti payunir kadagitoy. Adda stock ti Sosiedad kadagiti PBS a Biblia kadagiti sumaruno a pagsasao: Bicol, Cebuano, Hiligaynon, Iloko, Pampango, Pangasinan, Samar-Leyte, ken Tagalog.