Dagiti Pakaammo

◼ Literatura a tukon iti Disiembre: Maitukon ti broshur a Libro Para iti Amin a Tao a kadua ti New World Translation of the Holy Scriptures. Enero: Mabalin nga itukon ti aniaman kadagiti daan a 192-panid a libro. No naibusanen dagiti kongregasion iti aniaman kadagitoy a libro, mabalin nga itukon ti libro a Kinaragsak iti Pamilia. Pebrero: Life​—How Did It Get Here? By Evolution or by Creation? No saan a gagangay a maar-aramat ti Ingles, mabalin nga itukon ti libro a Kinaragsak iti Pamilia kas kasukatna. Marso: Maitampok ti libro a Pannakaammo ken ikagumaan ti mangipasdek iti panagadal iti Biblia iti pagtaengan.

◼ No agbakasion wenno tumabunokayo iti kombension iti arinunos ti Disiembre, siguraduenyo nga ited ti reportyo iti sekretario sakbay a pumanawkayo. No sipapanunottayo amin nga agreport iti umiso a tiempo iti arinunos ti bulan, kompletonto ti reporttayo iti Disiembre.

◼ Kontribusion Para iti Kombension Distrito: Amin a paggastuan kadagiti kombension, a pakairamanan ti panangabang kadagiti maitutop a pasilidad, panangisagana iti entablado ken public address system, ken kasta met ti pannakaipaay ti aniaman a baro a publikasion a mairuar ket masupsuportaran babaen ti boluntario a kontribusion para iti sangalubongan a trabaho. Masiguradomi a sipapanunotkayo iti daytoy inton tumabunokayo. Mabalinyo nga ipisok dagiti kontribusion kadagiti kahon ti kontribusion a naisagana iti kada kombension.—Kitaenyo ti parapo 19 iti suplemento Ti Ministeriotayo iti Pagarian para iti Nobiembre, 1999.

◼ Teksto iti Tawen 2001: Ti teksto iti tawen 2001 ket naadaw iti Colosas 4:12: ‘Agtakderkayo a naan-anay ken addaan natibker a panamati iti amin a pagayatan ti Dios.’ Ikagumaan koma ti amin a kongregasion nga iplastar ti baro a teksto ti tawen iti Kingdom Hall-da inton Enero 1, 2001.

◼ Eskediul ti Panagadal iti Libro ti Kongregasion: Manipud iti lawas ti Pebrero 5, 2001, agingga iti Hulio 23, 2001, mapagadalanto ti libro a Ti Sekreto ti Kinaragsak iti Pamilia kadagiti Panagadal iti Libro ti Kongregasion.