Dagiti Pakaammo

◼ Literatura a tukon iti Abril ken Mayo: Indibidual a kopia Ti Pagwanawanan ken Agriingkayo! Kadagiti panagsarungkar, mabalin nga itukon dagiti agibumbunannag a regular nga itulodna dagiti magasin, nga addaan iti kalat a mangirugi iti panagadal iti Biblia. Hunio: Maitukon ti libro a Pannakaammo wenno ti broshur a Kalikaguman. No addaanen dagiti bumalay kadagitoy a publikasion, itukon ti broshur a Mabalinmo ti Makigayyem iti Dios! Hulio ken Agosto: Mabalin nga itukon ti aniaman kadagiti broshur, ngem iparegtami a nangnangruna ti panangiwaras kadagiti sumaganad nga uppat a broshur: Libro Para iti Amin a Tao; Mabalinmo ti Makigayyem iti Dios!; Makapnek a Biag​—No Kasano a Maragpat; Ania ti Mapasamak Kadatayo No Mataytayo?

◼ Dandanin a magun-odan dagiti tomo ti 2001 a Pagwanawanan ken Agriingkayo! ken mabalin itan a pediduen. Nupay kasta, laglagipenyo a dagitoy ket special-request item ken mapedido laeng no adda ti espesipiko a kiddaw manipud kadagiti agibumbunannag. No naawaten dagiti pedido ngem di pay dimteng dagiti tomo, maipakitada kas “back-ordered” ken maipatulod kadakayo dagiti tomo no maawaten manipud Brooklyn.

◼ Nasken a maaddaan ti sanga nga opisina iti kabaruan a rekord dagiti address ken numero ti telepono dagiti amin a mamangulo a manangaywan ken sekretario. No adda aniaman a panagbalbaliw, suratan, pirmaan, ken ipatulod a dagus ti Congregation Service Committee iti sanga nga opisina ti Presiding Overseer/Secretary Change of Address (S-29) form. Dagiti kopia ti S-29 form ket naipatulod iti tunggal kongregasion a kadua ti tinawen a suplay a pormas.

◼ Rumbeng nga adda koma umdas a suplay dagiti sekretario ti kongregasion kadagiti Application for Regular Pioneer Service (S-205) ken Application for Auxiliary Pioneer Service (S-205b) form. Mabalin a pediduen dagitoy iti Literature Request form (S-14). Adda koma umdas a suplayyo iti makatawen.

◼ DAGITI REGALO A SUSKRIPSION: Maipakaammo a maitunos iti suratmi a napetsaan iti Enero 1, 2001, saanen a magun-odan ti probision a regalo a suskripsion. No tarigagayan ti siasinoman a ti maysa nga interesado a tao nga agnanaed iti ruar ti teritoria ti maysa a kongregasion ti regular a makaawat iti magasin, mabalin a pakaammuan ti sanga nga opisina maipapan iti daytoy. Iti kasta, ited ti sanga nga opisina ti address daytoy a tao iti kaasitgan a kongregasion tapno mayurnosda ti panangsarungkar iti interesado a tao ken maikkanda iti magasin no kasapulan.

◼ Dagiti Baro a Publikasion a Magun-odan:

Pannakaammo a Mangiturong iti Biag nga Agnanayon​—Dadakkel-Letra​—Ingles

Ti Padto ni Isaias​—Lawag nga Agpaay iti Sangatauan, Tomo I​—Dadakkel-Letra​—Ingles

(Palagip: Naglaon laeng dagitoy dadakkel-letra nga edision iti nayimprenta a material ken awan ti ilustrasionna, kas met laeng iti dadakkel-letra a Pagwanawanan.)