Dagiti Pakaammo

◼ Literatura a tukon iti Hulio ken Agosto: Mabalin nga itukon ti aniaman kadagiti broshur, ngem nangnangruna nga iparegtami ti panangiwaras kadagiti sumaganad nga uppat a broshur no magun-odan dagitoy iti pagsasaoyo: Libro Para iti Amin a Tao; Mabalinmo ti Makigayyem iti Dios!; Makapnek a Biag​—No Kasano a Masagrap; Ania ti Mapasamak Kadatayo No Mataytayo? Setiembre: Life​—How Did It Get Here? By Evolution or by Creation? Oktubre: Dagiti kopia Ti Pagwanawanan ken Agriingkayo! No agsarungkar, mabalin nga itukon dagiti agibumbunannag ti regular a panangitulod kadagiti magasin, nga ikagumaanda a mangirugi iti panagadal iti Biblia.

◼ Inton Sabado, Agosto 31, 2002, addanto sapasap a panagdalus iti Pagtaengan a Bethel idiay Quezon City, isu a nakaserranto ti opisina iti dayta nga agsapa ken awanto ti agipasiar iti dayta nga aldaw. Ti literature reception ket nakaserranto met iti dayta nga agsapa.

◼ Mangrugi iti lawas ti Setiembre 16, 2002, adalentayo ti Padto ni Isaias​—Lawag nga Agpaay iti Sangatauan II iti Panagadal ti Kongregasion iti Libro. Ti material a maadal ket agparangto a serye kadagiti isyu Ti Pagwanawanan a Bicol, Pangasinan, ken Samar-Leyte.

◼ Baro a Videocassette a Magun-odan:

Transfusion Alternative Health Care—Meeting Patient Needs and Rights​—Ingles (Palagip: Ipakita daytoy a video no kasano a mataming dagiti medikal a kasapulan dagiti pasiente ken maraem dagiti legal a kalinteganda. Ipakitana met a saan a nagastos dagiti panagopera a di mausar ti dara. Magunggonaan dagiti medical journalist, health official, ken social worker no buyaenda daytoy. Isu daytoy ti video a natukoy iti panid 22, parapo 1 iti 2002 a Tinawen a Libro.)