Dagiti Pakaammo

◼ Literatura a tukon iti Enero: Mabalin nga itukon ti aniaman a daan a 192 ti panidna a libro. Dagiti awanan kadagiti daan a libro mabalinda nga itukon ti Panangbiruk ti Sangatauan iti Dios. Pebrero: Mabalin nga itukon ti libro a Creation wenno ti libro a Tampok ti Apocalipsis. Marso: Maitukon ti libro a Pannakaammo ken ikagumaan a makairugi iti panagadal iti Biblia. Abril ken Mayo: Indibidual a kopia Ti Pagwanawanan ken Agriingkayo! No sumarungkar, dagiti agibumbunannag mabalinda nga itukon ti regular a panangitulodda kadagiti magasin, nga addaan kalat a mangirugi iti panagadal iti Biblia.

◼ Mangaramid koman dagiti kongregasion kadagiti urnos iti panangrambak iti Memorial iti daytoy a tawen inton Mierkoles, Abril 16, 2003, kalpasan ti ilelennek ti init. Nupay mabalin a mairugi a nasapsapa ti palawag, sa la maipasa dagiti emblema ti Memorial no limneken ti init. Nupay nasaysayaat koma no kada kongregasion ket rambakanda ti Memorial iti bukodda, mabalin a saan a kanayon a posible daytoy. No adu a kongregasion ti agus-usar iti maymaysa a Kingdom Hall, nalabit manggun-od ti maysa wenno ad-adu pay a kongregasion iti sabali a pasilidad nga usarenda iti dayta a rabii.

◼ Maipaay inton Domingo, Abril 27, 2003, ti espesial a palawag publiko iti tiempo ti Memorial iti 2003. Iti naikeddeng a tiempo, maitedto ti balabala para kadagiti agpalawag. Kadagiti kongregasion a mairana ti bisita ti manangaywan iti sirkito, asamblea sirkito, wenno aldaw ti espesial nga asamblea iti dayta a ngudo ti lawas, maipaayto ti espesial a palawag iti sumaruno a lawas. Awan koma ti kongregasion a mangangay iti espesial a palawag sakbay ti Abril 27, 2003.

◼ Yantangay ti Abril ken Mayo ket naisangsangayan a bulbulan a panangiwaras kadagiti magasin ken adunto ti ag-auxiliary pioneer iti dayta a tiempo, ti manangaywan iti serbisio ken ti kabsat a mangas-asikaso kadagiti magasin iplanoda koman ti agpedido kadagiti kanayonan a magasin nga usaren ti kongregasion kadagita a bulan. Pangngaasiyo ta ipatulodyon dagiti espesial a pedidoyo tapno makasangpet dagita iti sanga nga opisina a saan a naladladaw ngem Pebrero 1, 2003. Daytoy ti mangipasigurado a maawatyonto dagiti kanayonan a magasin a maigiddan kadagiti regular a pedidoyo.

◼ Baro a Publikasion a Magun-odan:

Watch Tower Publications Index—2001—Ingles