Dagiti Pakaammo

◼ Literatura a tukon iti Marso: Maitukon ti libro a Pannakaammo ken ikagumaan a makairugi iti panagadal iti Biblia. Abril ken Mayo: Indibidual a kopia Ti Pagwanawanan ken Agriingkayo! No sumarungkar, dagiti agibumbunannag mabalinda nga itukon ti regular a panangitulodda kadagiti magasin, nga addaan kalat a mangirugi iti panagadal iti Biblia. Hunio: Maitukon ti baro a libro nga Umadanika ken Jehova.

◼ Mangrugi inton Abril, ipalawag dagiti manangaywan iti sirkito ti palawag publiko a napauluan “Saluadanyo ti Pakabigbiganyo kas Kristiano!” iti panagbisitada kadagiti kongregasion.

◼ Agplano koma itan dagiti agibumbunannag nga agtarigagay nga ag-auxiliary pioneer inton Abril ken Mayo ken itedda a nasakbay ti aplikasionda. Tumulong daytoy kadagiti panglakayen a mangaramid kadagiti nasken nga urnos iti panangasaba iti tay-ak ken mangisagana iti umdas a magasin ken dadduma pay a literatura a mausar. Mayanunsio koma iti kongregasion ti nagan dagiti amin a naaprobaran nga ag-auxiliary pioneer.

◼ Yantangay naisardengen ti urnos para iti personal a suskrision babaen ti koreo, nasken nga iruar dagiti kongregasion dagiti kaudian nga isyu Ti Pagwanawanan ken Agriingkayo! apaman a maawatda dagitoy tapno makaala dagiti agibumbunannag kadagiti bukodda a kopia ken mabasada ti linaon dagiti magasin sakbay nga itukonda iti tay-ak ti serbisio.

◼ Panagbasa iti Biblia iti Panawen ti Memorial: Maidagadag kadatayo amin a basaentayo ti naisingasing a paset ti Biblia a nayeskediul iti 2003 Calendar ken iti Panangsukimat Kadagiti Kasuratan iti Inaldaw, a mangrugi inton Abril 11 ken agngudo iti aldaw ti Memorial, Abril 16.