Dagiti Pakaammo

◼ Literatura a tukon iti Mayo: Indibidual a kopia Ti Pagwanawanan ken Agriingkayo! No sumarungkar, dagiti agibumbunannag mabalinda nga itukon ti regular a panangitulodda kadagiti magasin, nga addaan iti kalat a mangirugi iti panangyadal iti Biblia. Hunio: Maitukon ti baro a libro nga Umadanika ken Jehova. Hulio ken Agosto: Mabalin nga itukon ti aniaman a broshur, ngem nasayaat nga itukon a nangnangruna ti broshur a Makapnek a Biag​—No Kasano a Masagrap.

◼ Ti mamangulo a manangaywan wenno ti dinutokanna sukimatenna ti kuenta ti kongregasion inton Hunio 1 wenno iti kabiitan a panawen kalpasan dayta. No naaramiden daytoy, maipakaammo iti kongregasion kalpasan a maibasa ti sumaruno a report ti kuenta.

◼ Iti sumaruno a bulbulan ipatulodminto kadakayo dagiti pormas iti kongregasion a kasapulanyo iti sumaruno a tawen serbisio. No adda sabali pay a pormas a kasapulanyo, mabalin a pediduen dagitoy iti dati a pamay-an, nga usarenyo ti Literature Request form (S-AB-14). Maipatulod dagitoy a pormas nga awan bayadna, ngem awan duadua a kayat dagiti kongregasion ti mangted iti rasonable a kontribusion para iti sangalubongan a trabaho a makatulong iti gastos ti panagimprenta ken panagipatulod. Pangngaasiyo ta laglagipenyo a dagiti lapel card para kadagiti Kombension Distrito iti 2003 ket mairaman iti pannakaipatulod dagiti pormas, isut’ gapuna a saanen a masapul a pediduen dagitoy malaksid no kurang ti naipatulod kadakayo. Nupay kasta, masapul nga agpedidokayo iti plastik para iti badge card iti regular a Literature Request form.