Repaso iti Teokratiko nga Eskuelaan ti Panagministro

Oral a mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Hunio 25, 2007. Mangikondukta ti manangaywan iti eskuelaan iti 30-minuto a repaso a naibatay iti material a saklawen dagiti paset para iti lawas ti Mayo 7 agingga iti Hunio 25, 2007. [Palagip: No awan dagiti reperensia kalpasan ti saludsod, dakayo a mismo ti agsukimat a mangbirok kadagiti sungbat.—Kitaenyo ti Eskuelaan ti Panagministro, p. 36-7.]

DAGITI KUALIDAD TI PANAGPALAWAG

1. No agsaotayo, ania ti mabalin nga aramidentayo tapno marelaks dagiti nairteng a masel ket rumang-ay ti kalidad ti bosestayo? [be p. 185 par. 1-3]

2. Kasanotayo nga ‘agbalin nga amin a bambanag iti amin a kita ti tattao’ iti ministeriotayo? (1 Cor. 9:20-23) [be p. 186 par. 2-4]

3. Kasano a matuladtayo ti ulidan ni Jehova no iti panangimdeng kadagiti sabsabali? (Gen. 18:23-33; 1 Ar. 22:19-22) [be p. 187 par. 1-2, 5]

4. Kadagiti ania a praktikal a wagas a matulongantayo dagiti sabsabali a rumang-ay iti naespirituan? [be p. 187 par. 6–p. 188 par. 3]

5. Apay a rumbeng a maseknantayo iti panangipakita iti panagraem kadagiti sabsabali? [be p. 190 par. 3, kahon]

PASET NUM. 1

6. Apay a nasken nga ikagumaantayo a danonen ti puso dagidiay isursurotayo? [be p. 59 par. 1]

7. Ania ti epekto ti ulidantayo kadagidiay isursurotayo? [be p. 61 par. 1]

8. Kasano a rumang-ay ti abilidadtayo a makisarita kadagiti kabbalaytayo? [be p. 62 par. 3]

9. Ania nga ulidan ti kinatured ken kinaregta ti masursurotayo ken ni mammadto a Jeremias? [si p. 129 par. 36]

10. Ania a panagtalek ti nayebkas iti Un-unnoy, ngem apay a makagunggona ti panangipakita iti kinadagsen ti panangukom ti Dios kadagiti nadangkes? [si p. 132 par. 13]

LINAWAS A PANAGBASA ITI BIBLIA

11. Maitunos iti kapadasan ni Jeremias a nadakamat iti Jeremias 37:21, ania a pammatalged ti maadda kadatayo?

12. Apay a naikuna ni Baruc a ti ‘rigatna ninayonan ni Jehova iti ladingit,’ a nakaigapuan ti ‘pannakapakilna,’ ket ania ti damo a reaksion ni Baruc iti problema? (Jer. 45:1-5)

13. Kaano a saanen a napagnaedan ti Babilonia, a nagbalin a “langalang a rebbek iti pakabuklanna”? (Jer. 50:13)

14. Ania a prinsipio mainaig iti panagkararag ti naibatad iti Un-unnoy 3:8, 9, 42-45?

15. Ania ti iladladawan ti karuahe a nadeskribir iti Ezequiel kapitulo 1?