Dagiti Pakaammo

◼ Literatura a tukon iti Mayo: Dagiti magasin a Pagwanawanan ken Agriingkayo! Hunio: Ania a Talaga ti Isursuro ti Biblia? Hulio ken Agosto: Mabalin nga itukon ti aniaman kadagiti broshur.

◼ Addaantayo iti umdas a suplay iti video a Faith in Action, Part 2—On DVD, iti Ingles ken Tagalog. Iparegtami kadagiti kongregasion nga agkiddawda iti suplay, nga usarenda ti Literature Request form (S-14) tapno adda maited dagiti agibumbunannag kadagiti iyad-adalanda iti Biblia. Iti kasta, umadu ti pannakaammo dagiti iyad-adalanda maipapan iti panagrang-ay ti sangalubongan nga organisasion ni Jehova.

◼ Yantangay ti libro a Ti Mensahe ti Dios Kadatayo Babaen ken Jeremias ket maadal iti Panagadal ti Kongregasion iti Biblia mangrugi iti lawas ti Nobiembre 5, 2012, nasayaat no agkiddawkayon iti suplay para kadagiti agibumbunannag ken interesado nga awan pay kopiana iti daytoy a libro. Magun-odan daytoy iti pito a pagsasaotayo ditoy Pilipinas.

◼ Ania ti aramidenyo no nayospitalkayo ket kayatyo nga adda mangbisita kadakayo a panglakayen a miembro ti Patient Visitation Group? No ipakaammoyo a maysakayo a Saksi ni Jehova, masapul met nga ilawlawagyo a kayatyo a bisitaendakayo ti maysa a ministro dagiti Saksi ni Jehova. Daytoy a pammalubos ti tumulong kadagiti panglakayen a mangammo iti kasasaadyo ken mangipaay iti naespirituan a pammaregta.