ABEL-KERAMIM

[Pagay-ayusan ti Danum Dagiti Kaubasan].

Ti kaadaywan a nangkamatan ni Jefte kadagiti Ammonita agingga nga inabakna ida. (Uk 11:33) Patien ti kaaduan nga adda dayta iti nagbaetan ti Hesbon ken Rabba, wenno Rabba Ammon (agdama nga ʽAmman). Gagangay a maikunkuna nga isu dayta ita ti Khirbet es-Suq, agarup 8 km (5 mi) iti abagatan ti Rabba (ʽAmman), ta umar-arngi iti deskripsion ni Eusebius. (Onomasticon 32, 15-16) Kunaen ti dadduma nga idiay Naʽur ti ayanna, agarup 14 km (9 mi) iti abagatan a laud ti Rabba Ammon.