HORONITA

[Iti (Kukua ti) Bet-horon wenno Horonaim].

Ti termino a nayawag ken Sanballat, maysa kadagiti lallaki a nangbusor iti trabaho ni Nehemias. (Ne 2:10, 19) Pagarupen ti sumagmamano nga eskolar a mabalin a naggapu ni Sanballat iti siudad ti Horonaim iti Moab (Isa 15:5; Jer 48:3) ket, kas pammasingked iti daytoy, ipalagipda ti pannakadakamatna a kadua ni Tobias nga Ammonita ken ni Gesem nga Arabiano. Ngem sigun iti panangmatmat nga anamongan ti kaaduan, ti “Horonita” nalabit kaipapananna ti mismo nga umili, wenno agnanaed, iti Bet-horon. Ti Makinngato ken Makimbaba a Bet-horon ket agpadpada nga adda iti teritoria a sigud a naituding iti Efraim.​—Jos 16:1, 3, 5.