IRA

[Nataenganen nga Asno].

1. Maysa a Jairita a nailista a karaman kadagiti kangrunaan nga opisial a nagakem kas “padi ni David” idi tiempo ni Ari David. (2Sm 20:26) Ni Ira ket nalabit kaputotan ti Jair a nadakamat iti Numeros 32:41, ket ngarud, iti daytoy a kaso, ti termino a “padi” mabalin nga ipasimudaagna ti “panguluen a ministro,” “prinsipe.” Awan ti Biblikal a pammaneknek a Levita dagiti Jairita. Nupay kasta, no umiso ti nailanad iti Syriac a Peshitta, mabalin a ni Ira ket padi a manipud Jattir (Jathir) a siudad dagiti Levita.​—Idiligyo ti 2Sm 8:18; 1Cr 6:57; 18:17.

2. Anak ni Ikkes a Tecoita; maysa kadagiti nabileg a lallaki iti puersa militar ni Ari David.​—2Sm 23:24, 26; 1Cr 11:26, 28.

3. Maysa nga Itrita; maysa pay kadagiti nabileg a lallaki ni Ari David.​—2Sm 23:38; 1Cr 11:40.